رسالة لكل بنوته فى فترة الخطوبة

ازيكم حبيباتى المخطوبات يارب تكونوا بخير كلكم

ربنا يتملكم زواجكم على خير باذن الله كووووووووولكم
ونفرح بيكم كلكم ياااااااارب


انهارده انا جيالكم فى كلمتين
يارب يكونو خفاف عليكم وتقبلوهم منى 

بصوا بقى يابنات ياقمرات تعالو أقولكم ........
بصراحه كده انا عاوزه ألفت نظركم لكام نقطه علشان باذن الله ربنا يباركلكم
وتبدأوا حياتكم صح ومنغير اى معاصى ولا مخالفات ولا تجاوزات


شوفى حبيبتى .....
خطيبك ياقمر راجل أجنبى - مش اجنبى مستورد يعنى ... لأ - أجنبى عنك يعنى غريب عنك زى اى راجل غريب فى الشارع .
الفرق بس انه أخد وعد بالزواج منك - من ولى امرك طبعا - ( حاجزك يعنى  ) ولحاااااااااااد ما يتم عقد الزواج فهو اجنبى عنك


واحده تقولى : مش فاهمه انتى بتقوليلنا كده ليه يعنى

حقولك يا حوبى .....
طالما خطيبك اجنبى عنك يبقى مش ينفع الاتى
**********

* مش ينفع مسك الأيد  - وتوابعها طبعا  -

* مش ينفع يقعد معاكى لوحدك

* مش ينفع تخرجوا لوحدكم

* مش ينفع كلام الحب واللفلفه و الرومنسيات دلوقتى خاااااااالص

*****************************************

  طبعا دلوقتى الزعل والاعتراضات حتشتغل وحتقولى انتى معقده بقى و pla pla
وانا اعترض واحتج

لالالا أستنى - براحه بس عليه ومنغير زعل .......

وخدوا دى على الماشي

اولا يا قمراتى احنا متفقين ان ..... من ترك شيئاً لله عوضه الله خيراً منه

فانتى حتسيبى الحاجات دى دلوقتى لله و ربنا حيعوضك احلى منها فى الحلال بعد العقد وبعد الجواز بأذن الله
مش تسعجلى يعنى
بعدين حبيبتى علشان ربنا يباركلك لازم تبدأى صح و تبعدى عن اى حاجه حرام

وياما بنقرا كواااااارث بتحصل بسبب التساهل فى العلاقه بين المخطوبين.



تصدقوا يابنات ان فى بنات - بنات تانيه غيركم يعنى  -
المهم ان البنات دى بتعامل خطيبها كأنه جوزها خلاص بقى ونظام يضحك عليها ويقولها ليه حقوق عليكى وانتى كأنك مراتى خلاص ولازم تعفينى و تسعدينى وتقوليلى كلام حلو وكلام حب وتعملى كزا كزا " ـــــــ " احسن ابص بره
وهيه ولا مراته ولا حاجه طبعا وكل اللى بيحصل ده غلط وحرام



ده فى بنات ربنا يعافينا بيتكلموا فى كلام خاااااااص وحساااااااس جدا مع خطيبهم وتقول عادى مهو حيبقى جوزى ......

طيب هو أنتى يا حوووووبى ضامنه يعنى ان الجواز حيتم ؟؟؟
ضامنه عمرك ؟؟؟
ضامنه عمره ؟؟؟

وحتى لو كله مشى تمام والجواز تم ......
مش خايفه من ربنا ومش مكسوفه انك تعصي ربنا هو اللى رزقك بخطيبك ده ؟!!!!!!!


وبعدين مهو ممكن حبيبتى الجواز يتم عادى لكن بعد الشر مش يكون فيه اى بركه فى حياتكم ويكون كلها مشاكل بسبب التجاوزات اللى حصلت قبل الجواز .......
ليه ترضى لنفسك بكده

*****************************************
 
طيب والحل ........
الموضوع سهل خاااااااااالص - تعالى أقولك
الحل ... " نتقى الله " ..... بس كده
سهله اوى - صح

قال تعالى :
(ومن يتق الله يجعل له من أمره يسرا )

و قال تعالى :
( وَمَن يَتَّقِ اللَّهَ يَجْعَل لَّهُ مَخْرَجاً{2} وَيَرْزُقْهُ مِنْ حَيْثُ لَا يَحْتَسِبُ )



يعنى خليكى واثقه انك لما تتقى الله ربنا حيكرمك أكييييييييد باذن الله


وخليكى عارفه ان قلب خطيبك بيد الله .......

ومش معنى انك مرضتيش تعملى حاجه غلط او تقولى كلام حب فى الخطوبه انه حيسيبك
بالعكس هو ممكن يبينلك انه مدايق لكن من جواه مبسوط جدا انك بتحافظى على نفسك و بتتقى الله علشان ربنا يباركلكم باذن الله ودى حاجه بتعليكى فى نظر خطيبك جدا و بتخليه يكون مطمن انك حتكونى زوجه صالحه وأمينه على نفسك
والاهم من ده كله انك حترضى ربنا ........
وحتى لو لاقدر الله سابك يبقى ده انسان مش كويس وكان نيته مش خير ابدا ً


وكمان خليكى متأكده حبيبتى أن .... ما عند الله لا ينال إلا بطاعته